Lajçak takon këshilltarin e Macronit për dialogun Kosovë-Serbi, falenderon Francën për mbështetjen
Miroslav Lajcak, i dërguari special i BE-së për dialogun Kosovë-Serbi, u takua sot me Emmanuel Bonne, këshilltarin kryesor diplomatik të presidentit francez Emmanuel Macron, për të diskutuar mbi dialogun.
Lajçak ka deklaruar në Twitter se është mirënjohës për takimin që ka pasur me të, gjatë të cilit kanë diskutuar për vizitat e tyre të mëparshme në Prishtinë dhe Beograd.
Sipas emisarit special të BE-së, u diskutua edhe për hapat e ardhshëm në dialogun ndërmjet Kosovës dhe Serbisë.
“Shumë i lumtur që u takova me Emmanuel Bonne, këshilltarin kryesor diplomatik të Presidentit Macron, sot në Paris. Ne folëm për vizitën tonë të fundit në Prishtinë dhe Beograd, si dhe për zhvillimet aktuale dhe hapat e ardhshëm. Faleminderit Francës për mbështetjen e fortë në punën time”, tha Lajçak në Twitter.
Very glad to meet with Emmanuel Bonne, Chief diplomatic adviser of 🇫🇷President Macron, in Paris today. We spoke about our recent visit to Pristina and Belgrade, as well as current developments and next steps. Grateful for 🇫🇷 strong support to my work. pic.twitter.com/7RMZWXVO0A
— Miroslav Lajčák (@MiroslavLajcak) September 13, 2022
