Kurti zotohet për angazhim të shtuar në fushën e shëndetësisë

Kryeministri Kurti, ka pritur në takim ministrin e Shëndetësisë Rifat Latifi e bordin e Shërbimit Spitalor.

Kurti gjatë këtij takimi, është zotuar për angazhim të shtuar në fushën e shëndetësisë, thuhet në njoftimin e zyrës së kryeministrit.

Këto janë gjashtë temat që janë diskutuar në takim:

1) Ndarja dhe bashkëpunimi publiko-privat në sektorin e shëndetësisë.

2) Sistemi Informativ Shëndetësor dhe sigurimet shëndetësore.

3) Reforma e sistemit shëndetësor, në veçanti e ShSKUK-së, për fuqizimin e QKUK-së, të spitaleve rajonale dhe kujdesit parësor shëndetësor.

4) Raporti i sektorit publik të shëndetësisë, si shërbim e kujdes profesional me Fakultetin e Mjekësisë të Universitetit, si vatër e kërkimit, hulumtimit dhe studimit shkencor.

5) Nevoja për Spitalin rajonal të Prishtinës.

6) Raporti i MSh-së dhe ShSKUK-së me pesë odat e profesionistëve shëndetësorë: të mjekëve, të infermierëve, të stomatologëve, të farmacistëve dhe të fizioterapeutëve.