Kurti takohet me ambasadorin e Fancës, u diskutua për bashkëpunimin në fusha të ndryshme

Kryeministri i Kosovës, Albin Kurti mirëpriti sot në takim Ambasadorin e Francës në Kosovë, Olivier Guerot.

Sipas njoftimit nga Zyra e Kryeministrit, në takim u diskutua për bashkëpunimin në fusha të ndryshme në kuadër të raporteve dypalëshe dhe bashkërendimin në arritjen e objektivave të përbashkëta.

Kryeministri Kurti falënderoi ambasadorin Guerot për mbështetjen e vazhdueshme të Francës dhe angazhimin e tij në thellimin e marrëdhënieve bilaterale.

Gjithashtu në fund të njoftimit, u bë e ditur se është bërë lansimi i projektit GENESIS, që synon të mbështesë të rinjtë e vendit tonë që të zhvillojnë aftësitë e tyre në industrinë kreative, dhe që gjithashtu forcon bashkëpunimin me Francën, veçanërisht me Ministrinë për Evropë dhe Punë të Jashtme si dhe me Institutin Francez në Kosovë.