Kurti pret në takim gratë e Krushës së Vogël

Kryeministri i Republikës së Kosovës, Albin Kurti, ka pritur sot në takim gratë e fshatit Krushë e Vogël.

Sipas komunikatës për medie të Qeverisë, në takim është diskutuar për përkushtimi i institucioneve të Kosovës për zbardhjen e fatit të të zhdukurve me dhunë gjatë luftës në Kosovë dhe angazhimi për rritjen e mirëqenies së familjarëve të tyre.

“Në takimin e përbashkët me Nënkryetaren e Kuvendit të Republikës së Kosovës, znj.Saranda Bogujevci, u theksua përkushtimi i institucioneve të Republikës së Kosovës për zbardhjen e fatit të të zhdukurve me dhunë gjatë luftës në Kosovë, si dhe angazhimi për rritjen e mirëqenies së familjarëve të tyre. U bisedua për angazhimin e Qeverisë së Republikës së Kosovës në hartimin e politikave për drejtësi tranzicionale, nëpërmjet një qasjeje gjithëpërfshirëse, që adresojnë nevojat dhe kërkesat e kategorive të dala nga lufta”, është thënë në komunikatë.