Kurti poston foto nga Greqia, pritet nga kryeministri grek dhe ai kroat

Me ftesë të kryeminsitrit të Greqisë, Kyriakos Mitsotakis, Kryeministri i Kosovës, Albin Kurti, ka mbërritur në Greqi.

Në një postim në “X”, Kurti ka njoftuar për takimin e kryeministrin grek, Kyriakos Mitsotakis, dhe kryeministrin kroat Andrej Plenkoviç. Këtë të fundit ai tha se e përgëzoi për anëtarësimin e Kroacisë në Eurozonë dhe në zonën Shengen.

“Mbërrita në Athinë përpara darkës së sotme të organizuar nga Kryeministri i Greqisë dhe pata një takim shumë produktiv me kryeministrin kroat Andrej Plenkoviç. E përgëzova për anëtarësimin e Kroacisë në Eurozonë dhe në zonën Shengen. Ne diskutuam gjithashtu marrëdhëniet dypalëshe dhe situatën në rajon.”