Kurti për komunat: Qeverisja lokale po përdoret për opozitë të nivelit qendror
Kryeministri i Kosovës, Albin Kurti ka përmendur bashkëpunimin e qeverisë së tij me komunat si dhe ndarjen e granteve për komunat.
Gjatë mbledhjes së qeverisë, Kurti pati edhe kritika ndaj udhëheqësve të komunave duke thënë se qeverisja lokale në disa raste po përdoret për opozitë.
“Buxheti i përgjithshëm komunal për vitin e ardhshëm arrin vlerën prej 742 milionë euro, që i bie gati 200 milionë euro më shumë buxhet për komuna gjatë qeverisjes sonë sesa gjatë qeverisë së mëparshme, apo rritje mbi 35%.” – ka thënë Kurti.
“Dikur niveli qendror i bënte opozitë qeverisjes lokale. Sot, qeverisja lokale në disa raste po përdoret për opozitë të nivelit qendror. Gabim ka qenë atëherë. Gabim është edhe tani. Bashkëpunimin e kemi përgjegjësi. Të dy nivelet e qeverisjes burojnë nga vullneti i qytetarëve. Prandaj, edhe duhet të jemi në shërbim të tyre. Qeveria është e të gjithëve. Edhe e komunave. E komunat janë të qytetarëve, jo të partive politike.”– ka thënë Kurti.
Reagimi i tij vjen pasi komunat po akuzojnë qeverinë për ndaljen e mjeteve vetanke, si dhe për Projekligjin për Tatimin në Pronë.
