Kurti ka hyrë në obligime ndërkombëtare që edhe nëse ju ik “i mbesin Kosovës”, thotë Haziri
Nënkryetari i Lidhjes Demokratike të Kosovës, Lutfi Haziri, konsideron se tashmë Kryeministri i Kosovës, Albin Kurti e ka futur veten në obligime ndërkombëtare, të cilave edhe nëse provon t’ju ik “i mbesin Kosovës”.
Kjo në rend të parë për Asociacionin e Komunave të banuara me shumicë serbe, për çka, sipas Hazirit, ndërkombëtarët “nuk do ta amnistojnë” kryeministrin Kurti.
“Edhe Serbia a i mbajti zgjedhjet më 17 dhjetor, por u dashtë që marrëveshjet për targat dhe për energjinë t’i përfundojë. Edhe z. Kurti nuk ka amnistim. Mundet me shku në zgjedhje, me kamuflu ose me i ikë përgjegjësisë; zgjedhjet do të mbahen, por obligimet do t’i shkojnë atij. Nëse ai nuk i merr obligimet, obligimet i mbesin Kosovës”, ka thënë ai për Ekonomia Online.
