Kurti e emëron Bajramin kryenegociator në dialogun teknik me Serbinë

Kryeministri i Kosovës, Albin Kurti e ka emëruar Agron Bajramin kryenegociator në dialogun teknik për normalizimin e marrëdhënieve me Serbinë.

Në një komunikatë për media, nga zyra e kryeministrit është thënë:

“Kryeministri i Republikës së Kosovës, Albin Kurti, ka emëruar z. Agron Bajrami në pozitën: Kryenegociator i Republikës së Kosovës në dialogun teknik për normalizimin e marrëdhënieve me Serbinë.

Kryeministri Kurti e uroi z. Bajrami për detyrën e re dhe i dëshiroi suksese në përmbushjen e përgjegjësive të reja.

Krahas pozitës së re, z. Bajrami është ambasador i Republikës së Kosovës në Mbretërinë e Belgjikës”.