Krishtlindja ortodokse, Kurti uron serbët: Festofshi në harmoni dhe respekt për njëri-tjetrin

Kryeministri në detyrë Albin Kurti ka uruar serbët e Kosovës për krishtlindjen ortodokse.

Në profilin e tij në “Facebook”, ai ka uruar që të festojnë në harmoni, mirëkuptim dhe respekt për njëri-tjetrin.

“Qytetarëve tanë nga komuniteti serb, të besimit ortodoks, që sot kremtojnë Krishtlindjen sipas kalendarit julian, u uroj festë të gëzuar. Kjo ditë e shenjtë ju sjelltë dashuri, mbarësi dhe begati në familjet tuaja. Festofshi në harmoni, mirëkuptim dhe respekt për njëri-tjetrin. Le të na bashkojë e mira. Le të na udhëheqë vullneti për solidaritet dhe punë për më shumë mirëqenie. Uroj që Krishtlindja t’ju gjejë pranë familjes, në shëndet dhe gëzim”, ka shkruar Kurti.