Krasniqi: VV i trajton votuesit nga diaspora si budallenj
Profesori universitar i gazetarisë, Milazim Krasniqi, ka thënë se Lëvizja Vetëvendosje po i llogaritë votuesit nga diaspora si budallenj.
Krasniqi ka përmendur faktin se Kosova është ende nën sanksione dhe sipas tij VV nuk po llogarit se vota e mërgimtarëve për VV-në, mund të ndryshoj.
Ai tutje ka thënë se bashkatdhetarët nuk janë pengje të propagandës obsesive të VV-së.
Postimi i plotë:
PSE PROPAGANDA E LVV I TRAJTON VOTUESIT NGA DIASPORA SI BUDALLENJ?/ Propaganda obsesive e LVV i llogaritë votuesit nga diaspora si budallenj, kur thonë se LVV do të fitojë 53%. Ajo thotë se vota e diasporës mbetet e njëjtë, si më 2020, pra edhe kur Kosova është nën sanksione të BE-së, e izoluar nga SHBA, e refuzuar ng Këshilli i Evropës, e varfëruar më shumë se sa më 2020. Pra, thotë se diaspora do të votojë për një Kosovë më të keqe, duke i paraqitur votuesit thjesht si budallenj. E çuditshme është mungesa e respektit për atdhedashurinë dhe mençurinë e bashkatdhetarëve tanë. Propaganduesit fanatikë nuk e kanë kuptuar se ata në vitin 2020 kanë besuar në premtimet për një Kosovë më të mirë, prandaj kanë votuar për ndryshim. Por bashkatdhetarët nuk janë pengje të propagandës obsesive të LVV. Ata bile janë më të pavarur nga propaganda e presioni qeveritar, se sa votuesit brenda vendit.
