Krasniqi viziton Thaçin e Veselin: Krenaria jonë

Kryetari i Partisë Demokratike të Kosovës, Memli Krasniqi ka zhvilluar një vizitë te ish-krerët e Ushtrisë Çlirimtare të Kosovës, Hashim Thaçi e Kadri Veseli, të cilët po mbahen në Hagë.

Përmes një shkrimi në llogarinë e tij në Facebook, Krasniqi tha se shprehi respektin dhe mirënjohjen për kontributin e tyre.

“Liria jonë - ishte lufta e tyre. E ardhmja jonë - ishte misioni i tyre. Kosova - ishte dhembja dhe dashuria e tyre. Dje, sot e përgjithmonë - ata janë krenaria jonë.” – ka thënë ai.

Postimi i plotë:

Sot, në Hagë, vizitë çlirimtarëve tanë, Hashim Thaçit dhe Kadri Veselit, për të shprehur edhe një herë respektin dhe mirënjohjen për kontributin e tyre historik.

Liria jonë - ishte lufta e tyre. E ardhmja jonë - ishte misioni i tyre. Kosova - ishte dhembja dhe dashuria e tyre. Dje, sot e përgjithmonë - ata janë krenaria jonë.

Dielli do të lind përsëri!