Krasniqi: Në tri vitet e fundit Kushtetutën është dashur ta mbrojmë nga Qeveria e Kosovës
Kryetari i PDK-së, Memli Krasniqi, ka uruar Ditën e Kushtetutës.
Ai ka thënë se në 3 vitet e fundit, janë detyruar ta mbrojnë Kushteutën nga Qeveria e Kosovës.
Postimi:
Urime Ditën e Kushtetutës!
Sot, nesër dhe çdo ditë tjetër të jetës, të respektojmë dhe mbrojmë me çdo kusht themelet e të drejtave dhe lirive tona. Kushtetuta, më shumë se fjalë në letër, është simbol i unitetit, drejtësisë dhe fuqisë së demokracisë.
Fatkeqësisht, në tri vitet e fundit kemi pasur nevojë që Kushtetutën tonë ta mbrojmë më së shumti nga vet Qeveria e Kosovës – që e ka obligim ligjor, institucional dhe kombëtar t’i dalë zot asaj.
Angazhimi që duke ndjekur parimet e Kushtetutës tonë, të ndërtojmë një shtet të drejtë, të sigurt dhe të barabartë për të gjithë, ka qenë, është dhe mbetet zotimi ynë i përhershëm!
