Kosovari që akuzohet për vjedhje në Belgjikë, arrestohet në Tiranë

Në aeroportin e Tiranës është arrestuar kosovari 35 vjeçar, i cili ishte shpallur në kërkim nga autoritetet e Belgjikës për veprën penale ‘vjedhje me dhunë’.

Policia shqiptare njoftoi për arrestimin dhe thotë se personi në fjalë është D.R, nga Kosova.

“I akuzuar nga autoritetet belge, për vjedhje me dhunë, ndalohet në dalje, me qëllim ekstradimin në Belgjikë, 35-vjeçari. Si rezultat i kontrolleve të detajuara në hyrje/dalje të RSH-së dhe në zbatim të masave të përcaktuara në planin operacional ‘Sundimi i ligjit’, u finalizua operacioni policor i koduar ‘Gate’, gjatë të cilit shërbimet e Komisariatit të Policisë Rinas ndaluan në dalje, shtetasin e shpallur në kërkim ndërkombëtar: D. R., 35 vjeç, banues në Kosovë”, thuhet në njoftimin e Policisë shqiptare.

Sipas njoftimit të Policisë janë duke vazhduar procedurat për ekstradimin tij në Belgjikë.