Kosova ndër vendet e para kontribuuese në ISF, reagon Osmani
Presidentja e Kosovës, Vjosa Osmani, ka njoftuar për përfshirjen e Forcës së Sigurisë së Kosovës si një nga vendet e para kontribuuese në Forcën Ndërkombëtare të Sigurisë (ISF), brenda Bordit të Paqes, të nënshkruar më herët në Davos.
Osmani theksoi se ky zhvillim është rezultat i bashkëpunimit strategjik me Shtetet e Bashkuara dhe Presidentin amerikan, duke e cilësuar si hap të rëndësishëm për forcimin e rolit ndërkombëtar të Kosovës në fushën e sigurisë dhe paqes.
“Jam shumë krenare për arritjet e jashtëzakonshme që Kosova ka bërë duke u bërë anëtare themeluese e Bordit të Paqes dhe një nga anëtaret e para kontribuuese të ISF-së, falë partneritetit të ngushtë me Shtetet e Bashkuara dhe Presidentin amerikan”, ka shkruar ajo.
Very proud of the remarkable achievements #Kosovo has made by becoming a Founding Member of the @BoardOfPeace and one of the very first contributing members of the ISF, thanks to its close partnership with the United States and @POTUS 🇽🇰🤝🇺🇸 https://t.co/8U2rPpVhy9
— Vjosa Osmani (@VjosaOsmaniPRKS) May 30, 2026
