Konjufca: Bunjaku tregoi se si duhet të veprojë njeriu, kur e kërkon Republika

Kryeparlamentari Glauk Konjufca ka folur pranë varrit të heroit Afrim Bunjaku. Konjufca ka thënë se Bunjaku ka treguar se si duhet të veproj njeriu në momentet vendimtare, kur e kërkon shteti dhe Republika.

“Ai e dha shembullin më të vyer se kur atdheu rrezikohet dhe kërcënohet se si duhet të jepet jeta dhe si të duhet vetëmohohet individi për të mirën e përgjithshme, për lirinë tonë, e cila duhet të kultivohet pandërprerë për të gjithë ne. Prandaj, ai e dha shembullin më të vyer edhe për vëllezërit dhe motrat e tij që vazhdojnë detyrën në Policinë e Republikës së Kosovës sesi duhet të veprojë njeriu në momentet vendimtare kur e kërkon shteti dhe Republika”, tha Konjufca.