Klinaku e quan monstrum Jack Smithin: Asnjëherë s`ka punuar për drejtësi
Ushtruesi i detyrës së kryetarit të OVL-UÇK-së, Faton Klinaku, ka kritikuar ish-kryeprokurorin e Gjykatës Speciale, Jack Smith.
Duke e quajtur Smithin një monstrum, Klinaku ka thënë se ai asnjëherë nuk ka punuar për drejtësi.
Në profilin e tij në “Facebook”, Klinaku ka shkruar se rrjedhja e materialeve nga Specialja ka pasur prapavijë politike.
“Rrjedhja e materialeve të ‘ndjeshme’ nga Pseudo Dhomat e Specializuara në Hagë dhe pengimi i hetimit se si kanë rrjedhur këto dokumente, ka pasur dhe ka prapavi politike. Ky monstrum Smith, asnjëherë nuk ka punuar për drejtësi, por sikur UNMIK-u dhe EULEX-i ka bërë padrejtësi duke mos hetuar krimet dhe masakrat e kryera nga pushtuesi serb në Kosovë, e duke ndjekur UÇK-në si NDËRMARRJE E PËRBASHKËT KRIMINALE. Deputetët e Kuvendit të Kosovës as nuk kanë vullnet por nuk kanë as guxim që të ndalojnë padrejtësitë që po bëhen në Pseudo Gjykatën Speciale të Kosovës në Hagë”, ka shkruar Klinaku.
