Kërstiq: Sulmi në Banjskë e shpëtoi Kosovën nga pako e dytë e sanksioneve nga BE-ja

Analisti Branislav Kërstiq ka bërë me dije se sulmi terrorist në Banjskë e ka shpëtuar Republikën e Kosovës nga sanksionet e reja të BE-së.

Ai ka thënë se ky sulm ishte një shfaqje e lojës.

“Kosova ishte në prag për të përfituar edhe paketën e dytë të sanksioneve, por fati i madh që ndodhi ajo shfaqje e lojës në Banjskë”, ka thënë Kërstiq në emisionin “Politiko” të Kanal 10.

Ai e ka kritikuar kryeministrin Albin Kurti për qasjen ndaj serbëve të Kosovës.

Sipas tij, serbët e Kosovës janë viktimë e të dy palëve.

“Sot në Kosovë, është e pakuptueshme dhe e papranueshme, që kryeministri i vendit tonë, në bazë të të dhënave të cilat flasin për serbët e Kosovës, të cilët e pranojnë pavarësinë e Republikës së Kosovës, ai nuk i njeh dhe as identifikon dëshirat dhe nevojat e tyre si qytetarë. Ose do të thosha që ndoshta nuk ka nevojë as t’i njohë nevojat e këtyre qytetarëve sepse serbët në këtë situatë janë të panevojshëm dhe shihen në pozitë të cënuar për shkak të Beogradit zyrtar dhe presionit që vjen nga ai”, ka thënë Kërstiq.