KEK-u, prodhuesve: Tetë ditë afat për kontratë me ne si furnizues fundor për dy muaj
KEK-u ka njoftuar se si furnizues fundor për ndërmarrjet prodhuese janë edhe tetë ditë për të lidhur kontratë për furnizim – furnizim ky vetëm për dy muaj.
“KEK është përcaktuar si Furnizues i Mundësisë së Fundit (FMF) me mandat të vlefshëm deri më 30 Korrik 2025. Konsumatorët që nuk kanë zgjedhur ende furnizues në tregun e lirë kane kaluar automatikisht te Furnizuesi i Mundësisë së Fundit (FMF) dhe furnizohen me energji elektrike nga dt. 01 qershor 2025 nga KEK-u”, than nga KEK-u,.
KEK ka thënë se afati ligjor për furnizim nga FMF ka filluar më 1 qershor dhe zgjatë 8 ditë. Për këtë KEK kërkon nga bizneset që të kontaktojë në adresën zyrtare furnizimi@kek-energy.com ose në numrin e telefonit 080010600.
Bizneset duhet të përfshijnë të dhënat e përditësuara të tyre:
• Numri i biznesit (NUI)
• Emri i biznesit, sipas regjistrimit zyrtar ne ARBK
• Pikat matëse
• Adresa e biznesit
• Kontaktet (e-mail dhe numër telefoni)
• Letërnjoftim i personit te autorizuar
“Për çdo paqartësi apo nevojë për informata shtesë, stafi ynë është në dispozicion.”
