Kasolli tregon si po e përdor Serbia pushtimin rus të Ukrainës si paralele me Kosovën
Analisti politik Afrim Kasolli ka treguar se si Serbia po e përdor pushtimin rus të Ukrainës si paralele me Kosovën.
Ai ka vlerësuar se të njëjtën gjë po e bën edhe Rusia, por mbi premisa tjera.
Në profilin e tij në “Facebook”, Kasolli ka shkruar se ndërkombëtarët nuk po i pranojnë premisat e Rusisë dhe Serbisë.
“Shpeshherë na ka rënë të dëgjojmë nga presidenti i Rusise, Vladimir Putin, mbi paralelen që ekziston ndërmjet Kosovës dhe Ukraines, përkatësisht dy rajoneve te saj të banuara me shumicë ruse, Donetsk dhe Luhansk. Sipas tij, nese Kosova ka pasur te drejte per shkeptuje nga Serbia, atëherë e njëjta gjë duhet te vleje edhe per ato dy rajone. Ky pretendim nuk është pranuar nga bashkesia ndërkombëtare sepse rasti i Kosovës konsiderohet sui generis. Mirëpo, nje paralele te tille ne mes Kosoves dhe Ukraines po e perdor edhe Serbia, por se mbi premisa tjera, ne takime me shtete te ndryshme qe realisht jane mbështetese te Ukraines”, ka shkrua ai.
Ai ka bërë me dije se të gjitha këto paralele do t`i mbyllte njohjes e shtetit të Kosovës nga Ukraina.
“Beogradi eshte duke pohuar vazhdimisht se e mbeshtet integritetin dhe sovranitetin e Ukraines, duke e vene theksin se e njejti parim duhet te vleje edhe per te ne raport me Kosoven. Kete mesazh ne nje fare menyre e transmetoi edhe sot gjate vizites se pare pas 14 viteve ne shtetin e Estonise, ministri i Jashtem serb, Marko Gjuriç. Dhe me kete krahasim ndonese ne shikim te pare konfrom kerkesave perëndimore per ta mbeshtetur Ukrainën, na fakt Serbia po e vazhdon sulmin e "fshehur" dhe ne mënyrë implicite mbi shtetet perendimore, te cilat kane pasur rol vital ne pavarësimin e Kosoves duke i krahasuar ato me Rusine e Putinit. Sepse si te parat qe e kane dhunuar integritetin dhe sovranitetin e Serbise me rastin e çlirimit dhe pavaresimit te Kosovës, te njejten gje sot po e zbaton Kremlimi ne Ukrainë. Mbase, rruga e vetme per t'ia mbyllur deren këtyre krahasimeve te paqena eshte qe Ukraina ta njoh shtetin e Kosoves”, ka shkruar ai.
