Kapen në Vërmicë 577 fishekë, arrestohet i dyshuari
Policia e Kosovës ka arrestuar një person i cili u kap me sasi të municionit prej 577 fishekë të kalibrit 7.62 mm.
Sipas njoftimit të Policisë, i dyshuari është kapur në pikën kufitare në Vërmicë.
“Sot, më datë 28.09.20213 rreth orës 10:45, në hyrje të Republikës së Kosovës nga Republika e Shqipërisë, në Vërmicë, është ndaluar automjeti ‘golf’ me targa vendore me drejtues E.M., (1986) m/k.” – bën të ditur policia.
Ndaj tij është iniciuar rasti ‘Blerje, shpërndarje, furnizim apo shitje e paautorizuar e armëve dhe municionit’.
Raporti i plotë:
Arrestohet i dyshuari që tentoi të fuste municion në Republikën e Kosovës
Prishtinë, 28 gusht 2023
Sot, më datë 28.09.20213 rreth orës 10:45, në hyrje të Republikës së Kosovës nga Republika e Shqipërisë, në Vërmicë, është ndaluar automjeti ‘golf’ me targa vendore me drejtues E.M., (1986) m/k.
Zyrtarët policorë në bashkëpunim me zyrtarët doganorë, gjatë kontrollit, në pjesën e pasme të automjetit kanë vërejtur një qese në të cilën kishte pasur sasi të municionit.
Në total janë konfiskuar:
• 577 ( pesëqind e shtatëdhjetë e shtatë ) fishekë të kalibrit 7.62 mm,
• 375 ( treqind e shtatëdhjetë e pesë ) euro,
• 1 telefon mobil,
• 1 automjet VË
Është njoftuar prokurori kujdestar i PTH -Prizren, ku me urdhër të tij është iniciuar rasti ‘Blerje, shpërndarje, furnizim apo shitje e paautorizuar e armëve dhe municionit’ dhe i dyshuari është dërguar në mbajtje për 48 orë.
Policia e Kosovës mbetet e përkushtuar në parandalimin dhe luftimin e të gjitha dukurive të kundërligjshme.
