Isufi: Mihali nga distanca e dirigjon krejt sistemin në Kosovë
Ahmet Isufi, ish-deputet i AAK-së, ka folur në lidhje me figurën e Dejona Mihalit, koordinatore e komiteteve në Lëvizjen Vetëvendosje.
Në KTV, zyrtari i AAK-së ka pretenduar se Mihali e rregullon sistemin e Kosovës.
“Kemi një lidhje të shkurtër të atyre që dirigjojnë këtë ministri (të Mbrojtjes v.j.). Është një njeri nga distanca që krejt punët i kryen në Qeveri dhe në Parlament. Kjo është publike, Dejona Mihali rregullon sistemin e këtushëm, ajo duhet edhe fjalimet t’ua përgatisë deputetëve”, ka deklaruar Ahmeti.
