Ish-ministrja e Jashtme flet për tri paqartësi, pas marrëveshjes së sotme

Ish-ministrja e Punëve të Jashtme, Meliza Haradinaj – Stublla ka reaguar pas marrëveshjes së arritur sot mes Kosovës dhe Serbisë.

Haradinaj – Stublla ka thënë se në lidhje me këtë marrëveshje, ka tri fitore dhe tri paqartësi, duke përmendur këtu se Serbia nuk ka hequr dorë nga kërkesa për targat etnike.

“1) Nuk ka garanci se Serbia ka heqë dorë nga kërkesa për targat etnike - problemi fillestar; 2) Nuk ka premtim se Serbia nuk do t’i nxisë bandat kriminale për rivendosje të sërishme të barrikadave; 3) Anashkalimi i implementimit të Konkluzioneve për Lumin e Ibrit (gusht 2015) në kuadër të Marrëveshjes për Lëvizjen e Lirë!”, ka shkruar Haradinaj – Stublla.

Postimi i plotë i ish-ministres Haradinaj-Stublla

TRI FITORE DHE TRI PAQARTËSI

fitore të përbashkëta me arritjen e marrëveshjes Kosovë - Serbi mbi ID:

1) Aplikimi i parimit të reciprocitetit, i cili tash e tutje duhet të aplikohet në implementimin e të gjitha marrëveshjeve të tjera, përfshirë marrëveshjen e Asociacionit;

2) Trajtimi normal dhe i barabartë i qytetarëve të Kosovës dhe Serbisë;

3) Vulosja e faktit që marrëveshjet e arritura nga BE mund të implementohen VETËM me angazhimin direkt amerikan .

paqartësi:

1) Nuk ka garanci se Serbia ka heqë dorë nga kërkesa për targat etnike - problemi fillestar;

2) Nuk ka premtim se Serbia nuk do t’i nxisë bandat kriminale për rivendosje të sërishme të barrikadave;

3) Anashkalimi i implementimit të Konkluzioneve për Lumin e Ibrit (gusht 2015) në kuadër të Marrëveshjes për Lëvizjen e Lirë!