Ish-ministri Gashi: Vjosa Osmani e ka marrë për dore Albin Kurtin dhe e ka dërguar në Amerikë
Ish-ministri i Diasporës, Dardan Gashi, ka folur për vizitën e kryeministrit Albin Kurti dhe presidentes Vjosa Osmani në SHBA.
Gashi në Debat Plus ka thënë se Osmani e ka negociuar vizitën e Kurtit, pasi ky i fundit nuk pëlqehet nga SHBA-ja.
“Në realitet Vjosa e ka marrë dhe e ka dërgua Kurtin në Amerikë. Vjosa Osmani e ka marrë për dore Albin Kurtin dhe e ka dërguar në Amerikë. Edhe me Kushtetutë Vjosa është shefe e Albinit. Vjosa diqysh e ka negociua këtë punë pasi Amerikanët nuk e duan Kurtin. Pse nuk shkoi Kurti i vetëm në Amerikë”, ka thënë ai.
Ish-ministri ka folur edhe për marrëveshjet që mund të diskutohen atje, duke përmendur atë për Manastirin e Deçanit dhe marrëveshjen e Asociacionit.
