Ish-këshilltari i Besnik Bislimit e godet Thaçin në përvjetorin e pavarësisë: E lavdëron Veton Surroin

Në përvjetorin e 16-të të pavarësisë, eksponentë të lidhur në një mënyrë a tjetrën me pushtetin, kanë vazhduar ta sulmojnë Hashim Thaçin, ish-kryeministër e president i Kosovës.

Në një postim në rrjetin social X, ish-këshilltari i Besnik Bislimit, Mehdi Sejdiu, zgjodhi ditën e pavarësisë të merret me Thaçin që aktualisht është në Hagë.

Sejdiu ia mohon meritat Thaçit për shpalljen e pavarësisë. Nuk flet për UÇK-në, por deklaron se ai vetëm e lexoi deklaratën.

“Diçka për rolin e Thaçit në shpalljen e pavarësisë. Thaçi u bë kryeministër me 9 janar 2008, pra 1 muaj e 8 ditë para shpalljes së pavarësisë që tashmë ishte vendosur në Negociatat e Vjenës ku ai si opozitar ishte pasiv. Role kyçe në atë grup kishte Presidenti Sejdiu e KM Çeku”, shkroi ai.

Më vonë, Sejdiu kritikonte Thaçin sa i përket kohëzgjatjes së dialogut. Këtu ai e lavdëron Veton Surroin,.

“Psh. në këto raporte @VSurroi si opozitar i partisë ORA, ka pasë qëndrime të kjarta se duhet të ketë afate të qarta se kur përfundojnë negociatat në Vjenë. Perderisa fokusi i Thaçit ishte të kritika e qeverisë. Këto i gjeni në raportet 🇺🇸 të Wikileaks në atë kohë”, shkruan ai.

Ai madje, përmend një deklaratë të ndërmjetësuese Ashton lidhur me dialogun, por askund nuk e publikon as linkun e as dokumentin.

“Sipas Ashton që ndërmjetësonte ato negociata, ishte pikërisht Thaçi ai që bindi Clintonin që të niset Dialogu, sipas tij në këtë Dialog përfundimisht do të zgjidhej çështja 🇽🇰🇷🇸. Kosova sot e asaj dite është në këtë qorrsokak të dialogut të futur nga Thaçi e mirret me asosacione”, shkruan Sejdiu.