Ish-ambasadori Bosch pajtohet me fjalimin e Thaçit në Hagë për 28 Nëntorin

Hashim Thaçi sot shprehu revoltën me Gjykatën Speciale, për seancën që u caktua bash për 28 Nëntor.

Me deklaratën e tij, është pajtuar edhe ish-ambasadori hoandez, Robert Bosch.

Postimi:

Dakord!!

Thaçi kritikon Dhomat e Specializuara për mbajtjen e seancës më 28 nëntor (media)

Të gjitha faqet e lajmeve raportojnë se ish-presidenti i Kosovës, Hashim Thaçi, i cili po gjykohet në Hagë, kritikoi Dhomat e Specializuara për mbajtjen e një seance më 28 nëntor. Ai argumentoi se është në interes të gjykatës të mos bëjë gjëra që nuk ndodhin në shtetet e palëve përkatëse. “E mirëpres mbajtjen e seancës dhe prandaj jam këtu sot, sepse jam i vendosur të respektoj shtetin e së drejtës. Është në interes të kësaj gjykate që gjëra që nuk mund të ndodhin në shtetet tuaja përkatëse të mos ndodhin as këtu,” tha ai.

Thaçi u shpreh se, si çdo popull tjetër, edhe shqiptarët e kanë historinë e tyre dhe se mbajtja e seancës më 28 nëntor ishte një befasi e pakëndshme për të dhe për shqiptarët. “Si çdo popull tjetër, edhe ne shqiptarët kemi historinë tonë kombëtare dhe shtetërore, traditat dhe vlerat. Mendoj se mbajtja e kësaj seance më 28 nëntor duhej të ishte shmangur. Sot çdo shqiptar ka një festë kombëtare, shtetërore dhe familjare, sepse është festa e dinjitetit dhe krenarisë sonë kombëtare,” argumentoi ai.