Irani e konfirmon vdekjen e shefit të sigurisë, Ali Larijani

Politikani veteran iranian, Ali Larijani, u vra në moshën 67-vjeçare, thanë të martën mediat shtetërore.

Ministri i Mbrojtjes i Izraelit, Israel Katz, tha më herët të martën se Larijani ishte vrarë përmes një sulmi të forcave izraelite, raporton agjencia e lajmeve “Reuters”.

Larijani ishte komandant në kuadër të Rojave Revolucionare gjatë luftës me Irakun, udhëheqës i televizionit shtetëror dhe kryetar i Kuvendit.

Roli i tij si njeri i afërt i ish-liderit suprem i dha përgjegjësi në disa fusha, përfshirë bisedimet kritike bërthamore me Perëndimin, menaxhimin e lidhjeve rajonale të Teheranit dhe shtypjen e trazirave të brendshme.

Pavarësisht nga përkushtimi i palëkundur i tij ndaj pushtetit absolut të Khameneit, Larijani mbronte një qasje më të matur se ato të figurave të vijës së ashpër, nganjëherë duke u treguar i gatshëm për t’i çuar përpara qëllimet e Iranit përmes diplomacisë.

Sidoqoftë, pavarësisht figurës relativisht të moderuar, ai dyshohet se luajti rol qendror në shtypjen e përgjakshme të protestave masive të janarit. Shtypja e dhunshme e tyre e nxiti Uashingtonin që të vendoste sanksione kundër Larijanit muajin e kaluar./Nacionale