Ibrahimi: Janë ekzekutuar rrogat pasdite që të mos dalin nëpër xhirollogari deri të hënën - NACIONALE

Ibrahimi: Janë ekzekutuar rrogat pasdite që të mos dalin nëpër xhirollogari deri të hënën

3 javë më parë

nga NACIONALE

Drejtori i Asociacionit të Komunave të Kosovës, Sazan Ibrahimi, ka deklaruar se ka informacione se pagat e mbajtura nga Qeveria e Kosovës për grevistët në sektorin publik janë ekzekutuar të premten pasdite.

Këtë informacion, sipas Ibrahimit, e ka konfirmuar kryetari i Komunës së Drenasit, Ramiz Lladrovci.

“Duke ardhur këtu më telefonoi zoti Lladrovci dhe më dha informatë për gëzim dhe më tha që në ora 15:00 Ministria e Financave i ka ekzekutuar pagesat. Kryetari Lladrovci ma dha si informatë të konfirmuar dhe kjo vjen pas një presioni të Asociacionit të Komunave. Bëhet fjalë për të gjithë punonjësit e sektorit publik në nivelin lokal”, ka thënë ai në Interaktiv të KTV’së.

Ibrahimi ka thënë se thirrja e Qeverisë për konferencën e nesërme me siguri do të jetë për të shpallur realizimin e këtyre pagesave.

“Janë ekzekutuar pasdite që të mos dalin nëpër xhirollogari deri të hënën. Për nesër kanë thirrur konferencë dhe me siguri për ta dhënë këtë lajm”, ka thënë ai.

Lajme të ngjashme