Hyseni kërkon shpërbërjen e Kuvendit në Gjilan

Kryetari i Gjilanit Alban Hyseni ka kërkuar nga ministri i Pushtetit Lokal Elbert Krasniqi që të shpërbëhet Kuvendi Komunal i Gjilanit. Sipas tij, meqenëse buxheti nuk po mund të miratohet, dhe kanë kaluar të gjitha afatet ligjore, Kuvendi është jofunksional dhe duhet të shpërbëhet.

“I nderuar Ministër, tanimë kemi kaluar afatet ligjore për votimin e buxhetit. Duke e parë që Kuvendi Komunal, nuk po arrin të përmbushë detyrat dhe obligimet e tij ligjore, kërkojmë nga ju që duke u bazuar në Ligjin për Vetëqeverisje Lokale, nenin 50 dhe pikën c, për arsye të mosvotimit të buxhetit sipas afatit ligjor, të filloni procedurën e shpërbërjes së Kuvendit Komunal” – thuhet aty.

Ndryshe, Hyseni i VV-së që është kryetar i Gjilanit kishte koalicion me PDK-në të cilin e prishën kohë më parë.