Hillary Clinton s'ndalet së qeshuri rreth planit të Trumpit për riemërtimin e “Gjirit të Meksikës”
Ish-sekretarja amerikane e Shtetit, Hillary Clinton, u vu në qendër të vëmendjes gjatë ceremonisë inaugurale të presidentit Donald Trump, kur një moment i papritur e bëri atë të qeshë.
Gjatë fjalimit të tij, Trump njoftoi disa plane të pazakonta, duke u zotuar se do ta ndryshoj emrin e Gjirit të Meksikës në “Gjiri i Amerikës”.
“Amerika do të rimarrë vendin që i takon si kombi më i madh, më i fuqishëm, më i respektuar në tokë”, tha Trump në fjalimin e tij.
Ky koment u pasua nga një reagim spontan i Clinton-it, e cila nuk mundi ta përmbante buzëqeshjen.
