Haziri: Kosova po administrohet, nuk po qeveriset

Nënkryetari i Lidhjes Demokratike të Kosovës, Lutfi Haziri ka thënë se Kosova aktualisht po administrohet e nuk po qeveriset. Ai tutje tha se në vartësi të Kurtit janë Kuvendi dhe Presidenca.

Këto deklarata Haziri i ka bërë për Tëvë 1.

“Ky vend është në administrim, logjika e administrimit është duke ndodhur, jo e qeverisjes. Nëse një kabinet qeveritar është në pritje të kryeministrit, i cili në parimin e punëve është kryeministër, i cili i koordinon punën me ministrat, e ata janë të pavarur në punën vet”, tha Haziri.

“Nëse të tjerët janë në varshmëri kronike edhe Kuvendi ndonjëherë, fatkeqësisht edhe Presidenca edhe nivelet tjera, tregon qartë se ne nuk po qeverisemi”, tha ai.