Haxhiu me kritika: Policia po zbardh raste, Qeveria nuk po e mbështet
Deputeti i Partisë Demokratike të Kosovës, Bekim Haxhiu ka kritikuar Qeverinë, pasi sipas tij nuk po e mbështet Policinë e Kosovës.
Haxhiu përmes një shkrimi në Facebook, ka thënë se policia zbardhi rastet e fundit të vrasjeve e plaqkitjes, e po ashtu, arrestoi dhe vrau kriminelët në veri.
Në fund të postimit të tij, ai ka shkruar “turp për qasjen e Qeverisë ndaj kërkesave të Policisë”.
Postimi i plotë:
Policia e Kosovës brenda 24 orëve zbardhi rastin e vrasjes së Liridona Murseli.
Policia e Kosovës brenda një jave arrestoi të dyshuarit për plaqkitjen e armatosur të argjentarisë në Suharekë.
Policia e Kosovës arrestoi dhe vrau kriminelët në veri.
E përkundër këtyre sukseseve Qeveria e Kosovës nuk e mbeshtet Policinë e Kosovës.
Mirënjohje dhe respekt për punën e Policisë së Kosovës.
Turp për qasjen e Qeverisë ndaj kërkesave të Policisë.
