Haskuka çel fjalorin e anglishtes, ua mëson QUINT-it fjalën “urë”
Lëvizja Vetëvendosje ka nisur reagimet ndaj shteteve të QUINT-it, pas qëndrimit të dhënë nga ato në lidhje me paralajmërimet për hapjen e urës së Ibrit.
Madje, Mytaher Haskuka i kësaj partie, ka hapur edhe fjalorin anglisht për t’ua shpjeguar ambasadorëve fjalën “urë”.
Fokusin ai, e ka vendosur te një shpjegim posaçërisht:
“Definimi i urës sipas Merriam-Webster:
"a: një strukturë që mban një shteg ose rrugë mbi një gropë ose pengesë (si p.sh. një lumë)
**urë që lidh ishullin me kontinentin
b: një kohë, vend, ose mjet lidhjeje ose kalimi
**duke ndërtuar një urë midis dy kulturave
**ura nga lufta drejt paqes "
Kjo e fundit shumë domethënëse” – ka shkruar ai.
Ndërkohë, ambasadori amerikan Jeff Hovenier në lidhje me këtë situatë, u shpreh si vijon:
"Ne përfaqësuesit e Francës, Gjermanisë, Italisë, Britanisë së Madhe, Shtetet e Bashkuara .... u takuam me kryeministrin Kurti për ta informuar që qeveritë tona në konsultim me NATO-n nuk mund ta mbështesin asnjë ndryshim të statusin aktual të urës së Mitrovicës aktualisht" – është shprehur Hovenier pas takimit me Kurtin.
