Harrisi thotë se Putini "do ta hante Trumpin për drekë"
Në pjesën kur debate mes kandidatëve për president të ShBA-së, Kamala Harris dhe Donald Trump, ishte i përqendruar në rolin e Uashingtonit në komunitetin global, demokratja e kritikoi qëndrimin e rivalit në raport me Rusinë.
Trumpi e kritikoi demokratin Joe Biden si president në mungesë, ndërsa Harrisi iu kundërpërgjigj, raporton televizioni BBC.
“Ti nuk je duke garuar kundër Bidenit, je duke garuar kundër meje” – i tha ish-prokurorja ish-presidentit.
Duke iu kthyer çështjes së Ukrainës, ajo tha se ka marrëdhënie të fortë me presidentin ukrainas, Volodymyr Zelensky.
“Aleatët tanë janë falënderuar që ti nuk je më president” – i tha Harrisi Trumpit.
“Në të kundërtën, Putini do të ishte i ulur në Kiev me sytë nga pjesa tjetër e Evropës” – shtoi ajo.
Zonja Harris më tej i tha Trumpit se Putini “është diktator që do të të hante ty për drekë”.
Më pas, Trumpi tha se Harrisi është “nënpresidentja më e keqe në histori” dhe pretendoi se ajo kishte dështuar që ta parandalonte luftën përmes negociatave mes Ukrainës e Rusisë para se të fillonte pushtimi rus.
