Haradinaj thotë se Rugovës i rrotullohen eshtrat në varr sa herë që Kurti, Osmani e Gërvalla e përmendin
Ramush Haradinaj, kryetar i AAK-së, ka komentuar zbulimin e shtatorës së ish-presidentit Ibrahim Rugova në Podujevë.
Sipas Haradinajt, kjo ishte një luftë e pakompromisë e kryeministrit Albin Kurti, presidentes Vjosa Osmani dhe ministres Donika Gërvalla për “elektoratin rugovist” në Podujevë.
“Luftë e pakompromis e Vjosës, Albinit dhe Donikës për elektoratin rugovist në Podujevë. Secili, në formën e vet të mashtrimit, pretendon se çmon vlerat e Presidentit Rugova. Përderisa Albini dhe Donika, për të gjallë të tij, nuk e kanë fshehur urrejtjen dhe mosrespektin ndaj tij, Vjosa, si më e reja, përveç retorikës së pasur pro-rugoviane, asgjë rugoviste nuk ka. Lirisht, njeriu mund të konkludojë se qasja e të treve ndaj politikëbërjes dhe vlerave për të cilat ka qëndruar Prof. Dr. Ibrahim Rugova, ka qenë aq e ultë sa që sa herë e përmendin Rugovën, atij i rrotullohen eshtrat në varr” – ka shkruar ai.
