Haradinaj prezanton programin për shëndetësi: Programi parasheh rritje 41% të pagave në vitin e parë
Lideri i AAK-së, Ramush Haradinaj, para mjekëve ka prezantuar programin për shëndetësi.
Ai ka bërë me dije se programi i tij zgjedhor për këtë fushë parash rritje 41% të pagave në vitin e parë të qeverisjes.
Sipas tij, kjo reflekton rritjen e koeficientit në 155 euro.
“Programi ynë për Shëndetësinë parasheh rritje 41% të pagave në vitin e parë të qeverisjes, që reflekton rritjen e koeficientit në 155 euro, duke siguruar një pagë mesatare prej 1,000 eurosh neto, në sistemin shëndetësor dhe me reformat e thella do të krijojmë një sistem shëndetësor modern, efikas dhe të qasshëm për të gjithë qytetarët e Kosovës, duke vendosur një standard të ri në kujdesin shëndetësor”, ka shkruar Haradinaj në profilin e tij në “Facebook”.
