Hajdari: Qeveria jonë është e vendosur fortë për të ndalur tregtinë e paligjshme

Rozeta Hajdari, ministrja e Industrisë, Ndërmarrësisë dhe Tregtisë ka marrë pjesë në hapjen e konferencës vjetore për promovimin dhe tërheqjen e investimeve në Kosovë.

Hajdari, ka theksuar se Qeveria është e vendosur të ndalë tregtinë joformale dhe të paligjshme.

“Ne synojmë për integrimin e fuqishëm ekonomikë dhe tregtarë me vendet e Bashkimit Evropian (BE) dhe principatat e BE-së. Me kalimin e viteve tregtia po rritet, po bëhet më e rregulluar, ka monitorim aktiv përtej kufijve dhe pjesëmarrja e njerëzve në sektorin e tregtisë formale po rritet. Qeveria jonë është e vendosur fortë për të ndalur tregtinë joformale dhe të paligjshme”, ka theksuar Hajdari.