Gjini: Aleanca ka ruajtur mbështetjen, rezultat pozitiv

Kandidati i Aleancës për kryeministër, Ardian Gjini, ka deklaruar se partia ka arritur të ruajë numrin e votave pavarësisht nivelit të lartë të abstenimit në zgjedhje.

Në emisionin Rubikon, ai tha se është e pamundur të dihet saktësisht si ka votuar secili mbështetës, por u shpreh i bindur se Aleanca ka fituar edhe votues të rinj.

Sipas Gjinit, ruajtja e mbështetjes në një atmosferë me pjesëmarrje të ulët në votime është rezultat pozitiv për partinë.