Gjendet një granatë dore në Mitrovicën e Veriut
Një granatë dore është gjetur gjatë punimeve në një trotuar në veri.
Lajmin e ka bërë të ditur Policia e Kosovës.
Postimi:
Gjendet një granatë dore në Mitrovicë të Veriut
Mitrovicë Veri, 29 Maj 2025
Më datë 29.05.2025, rreth orës 14:28, Stacioni Policor në Mitrovicë të Veriut ka pranuar një informacion nga një kompani e cila, gjatë punimeve për rregullimin e trotuareve në rrugën “Xhon Kenedi”, ka vërejtur një mjet të dyshimtë, për të cilin dyshohej se ishte granatë dore.
Njësitë policore kanë reaguar menjëherë, duke dalë në vendin e ngjarjes, ku kanë bërë sigurimin e perimetrit dhe kanë ndërmarrë të gjitha masat e nevojshme për siguri publike.
Në vendin e ngjarjes kane dal edhe Njësia për Trajtimin e Mjeteve Eksplozive (EOD), e cila ka bërë tërheqjen e mjetit, që ka rezultuar të jetë granatë dore e modelit M-75, prodhim Serb.
Lidhur me rastin është njoftuar Prokurori i Shtetit, i cili ka udhëzuar që rasti të cilesohet si:
“Mbajtje në pronësi, posedim, kontroll dhe shfrytëzim i paautorizuar i armëve.”
Hetimet nga njësitë relevante policore janë duke vazhduar.
Policia e Kosovës mbetet e përkushtuar për ruajtjen e rendit dhe sigurisë publike, dhe i bën thirrje qytetarëve që të raportojnë menjëherë çdo rast të dyshimtë apo të rrezikshëm në numrin emergjent 192 ose në stacionin më të afërt të policisë.
