Gjendet një granatë dore në afërsi të Liqenit të Badocit, policia jep detaje

Një granatë dore është gjetur në afërsi të Liqenit të Badocit, ku rasti është raportuar rreth orës 11:30.

Nga Policia e Kosovës kanë njoftuar se menjëherë pas marrjes së informatës kanë dalë në vendin e ngjarjes dhe ka ndërmarrë të gjitha veprimet e nevojshme.

“Rreth orës 11:30 është pranuar informata se në afërsi te liqenit të Badocit është hasur një mjet i dyshimtë shpërthyese. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme për tu siguruar nga rreziku i shpërthimit eventual. Në vendngjarje kanë dalë edhe ekipet e specializuara të Policisë së Kosovës për menaxhimin e mjeteve shpërthyese, të cilët kanë kryer shpërthimin e kontrolluar dhe mjeti i dyshuar ka rezultuar të kenë qenë një granatë dore. Aktualisht policia po vijon punën e saj për trajtimin e rrethanave që karakterizojnë rastin.” – ka thënë Agron Borovci, zëdhënës i Plicisë së Kosovës, për rajonin e Prishtinës.