Gërvalla lavdëron Turqinë: Mik dhe partner i rëndësishëm
Donika Gërvalla, ministre e Punëve të Jashtme dhe Diasporës, ka folur në lidhje me raportet me Turqinë.
Në një konferencë për medi, ku ishte bashkë me Hakan Fidanin, ministër i Punëve të Jashtme të Turqisë, Gërvalla tha se Turqia është mik dhe partner i rëndësishëm i Kosovës.
“Kisha kënaqësinë e veçantë që sot mirëprita ministrin e Punëve të Jashtme të Turqisë, z. Hakan Fidan, një mik dhe partner i rëndësishëm i Kosovës. Marrëdhëniet mes Kosovës dhe Turqisë, raportet janë të bazuara në miqësi të gjatë dhe bashkëpunim të ngushtë” – tha ajo.
