Fotografi të bukura: Ushtarët e FSK-së u ndihmojnë grave të Krushës për turshi
Gratë e Krushës së Madhe janë ndër simbolet më shënjuese të luftës në Kosovës. Në këtë fshat, apratura shtetërore e Serbisë vrau mbi 200 burra, duke e bërë një nga masakrat më të mëdha në Kosovë.
Pas luftës, gratë e Krushës së Madhe e rinisën jetën në Kosovën e lirë.
Në internet që nga dje janë duke qarkulluar disa fotografi, të disa ushtarëve të FSK-së, të cilët shihen teksa u ndihmojnë grave të Krushës së Madhe në punën e tyre të përvitshme. Më saktë, ushtarët e Kosovës u ndihmojnë grave heroike të Krushës së Madhe në punën e turshive, të cilat mëpastaj shiten në tregun kosovar, por edhe ndërkombëtar.
Ushtarët e Kosovës paskan shku në Krushë të Madhe, me ju ndihmu nanave me turrshitë 😍. U shkriva!
— Shpend Lila (@Shpend_Lila) November 13, 2024
Kujtojmë që serbët më 1999 i vranë 243 burra e djem, duke e lënë fshatin me gra e fëmijë. pic.twitter.com/wjG29D9rcf
