Fitorja e Trumpit, profesori Acemoglu: Nuk pres lajme të mira për punëtorët
Daron Acemoglu, njëri nga fituesit e Çmimit Nobel për Ekonomi në vitin 2024, ka shkruar në lidhje me pritshmëritë e tij rreth qeverisjes së Donald Trumpit, i cili e fitoi garën presidenciale të 5 nëntorit.
Në një shkrim në “X”, Acemoglu ka treguar pikëpamjen e tij për Administratën e ardhshme të Trumpit.
Acemoglu ka shkruar se nuk pret ndonjë lajm të mirë për punëtorët.
“Po ekonomia nën Trump? Nuk pres lajme të mira për punëtorët dhe shoh rreziqe të mëdha nga axhenda e përgjithshme e Trump, si për shkak të qasjes së tij ndaj Inteligjencës Artificiale dhe Silicon Valley, ashtu edhe për shkak të ndikimit të tij (të mundshëm) në institucionet amerikane” – ka shkruar Acemoglu, ndër të tjera.
What about the economy under Trump? I don’t expect great news for workers, and I see big risks from Trump’s overall agenda, both because of his approach to AI and Silicon Valley, and because of his (likely) impact on US institutions.
— Daron Acemoglu (@DAcemogluMIT) November 9, 2024
