Fitore Pacolli ka dy pyetje për "insistuesit e Asociacionit"
Deputetja e Vetëvendosjes, një ndër më të zëshmet, Fitore Pacolli, ka bërë dy pyetje ndaj të gjithë atyre që po insistojnë që të themelohet Asociacioni i komunave me shumicë serbe.
Njëra pyetje është se çka nëse Asociacioni nuk është OJQ dhe tjetra çka nëse Asocicacioni është OJQ.
“Dy pyetje për insistuesit e Asociacionit: 1. Nëse Asociacioni nuk është OJQ që bazë ligjore ka nenin 44 të Kushtetutës, çka është edhe vendim i Gjykatës Kushtetutuese, ku tjetër do ta ketë bazën kushtetuese Asociacioni dhe kujt do t'ia marrë kompetencat sepse në shtetin e Kosovës pushtetet e ndara i kanë kompetencat e veta?2. Nëse Asociacioni është OJQ, pse duhet qeveria të themelojë OJQ?” – ka shkruar ajo në Facebook.
Përndryshe deputetët dhe përkrahësit e VV-së në vazhdimësi kanë kundërshtuar kërkesat për themelimin e Asocicacionit.
Po ashtu, vartësit e pushtetit kanë kritikuar edhe presionin e ndërkombëtarve për Asociacionin.
