Fitore Pacolli i përgjigjet Vlora Çitakut
Deputetja e LV-së, Fitore Pacolli, i ka reaguar nënkryetares së PDK-së, Vlora Çitaku, e cila kishte ironizuar me propozimin e Pacollit për vendosjen e një fontane të ujit në Kuvendin e Kosovës.
Në profilin e saj në “Facebook”, ajo ia ka përmendur Çitakut kontratat për ndarje të Kosovës.
“Nga deklaratat për fuqizim të shtetit të Kosovë në kontrata për ndarjen e shtetit të Kosovës. Kaq për nënkryetaren e PDK-së”, ka shkruar Pacolli.
