Feraj kritikon Rrahmanin e Korenicën, thotë se kërkojnë ligje sipas bindjeve sheriatike
Hysamedin Feraj, këshilltar i kryeministrit Albin Kurti, është marrë me të larguarit nga VV-ja, deputetët Eman Rrahmani dhe Visar Korenica.
Në një shkrim të gjatë mbi 1.200 fjalë, ndonëse e quajti “qasje miqësore”, Feraj ka pasur disa interpretime të ashpra.
Feraj ka shkruar se “rrahmanizmi”, siç e quajti Listën për Familje, tha se “kërkon ndryshimin e përcaktimit kushtetues të shtetit të Kosovës, nga shtet laik në shtet teokratik”.
“Rrahmanizmi
(Po e quaj kështu sipas përfaqësuesit kryesor. Qasje miqësore)
1. Rrahmanizmi kërkon ndryshimin e përcaktimit kushtetues të shtetit të Kosovës, nga shtet laik në shtet teokratik.
Kushtetuta e përcakton Republikën e Kosovës shtet laik (neni 8, ndërsa rrahmanizmi përpiqet të miratojë ligje sipas bindjeve sheriatike dhe jo sipas kushtetutës, dhe sipas sheriatit ashtu siç e kuptojnë rrahmanistët” – ka shkruar Feraj, ndër të tjera.
