Feraj i VV-së sulmon në mënyrë të ulët Lumir Abdixhikun: Është drejtues i korit pro-serb në Kosovë
Këshilltari i Qeverisë Kurti për marrëveshjet mes Kosovës dhe Shqipërisë, aktivist Hysamedin Feraj, përsëri ka goditur LDK-në. Kësaj here, megjithatë, ai goditjen e ka drejtuar mu në krye të kësaj partie – te kryetari Lumir Abdixhiku.
Kurti është kritikuar nga komuniteti i biznesit, shoqëria civile, dhe opozita për gjuhë të pamatur psai përmendi mundësinë e luftës në Kosovë pas invazionit rus në Ukrainë.
Dhe siç pritej, aktivistët e partisë së Kurtit i kanë dalë në mbështetje.
Më i zëshmi deri tash është Hysamedin Feraj.
Ai ka bërë një status në të cilin e konsideron Abdixhikun si “drejtues të korit në Kosovë” që thotë se Vuçiqi është engjëll e Albini është djall, dhe se Serbia do paqe e Kosova luftë. Pra, bëhet fjalë për një kor që nënkuptohet të jetë pro-serb e anti-kosovar.
LDK asnjëherë nuk ka amnistuar Serbinë dhe retorikën e saj agresive e luftënxitëse, gjë të cilën nuk e ka bërë as Lumir Abdixhiku.
Statusi i plotë:
Koncert: këndim në kor
Arritja më e madhe e opozitës (kundër vetes) në Kosovë:
- Serbia dhe Vuçiqi duan paqe, Albini do luftë;
- Serbia dhe Vuçiqi pacifistë, Kosova dhe Albini luftënxitës!
- Kushdo që njofton rrezikun e agresionit nga Serbia pacifiste i ka shpallur luftë Serbisë!
- Vuçiqi engjëlli, Albini djalli!
- Reciprociteti është deklaratë lufte që Kosova i shpall Serbisë
Ka kohë që këtë melodi, bazuar në kontrapunkte, e dëgjojmë nga Serbia.
Tani kori po e këndon edhe brenda Kosovës.
Drejtues kori në Kosovë: Lumir Abdixhiku.
Luajnë në instrument:_______
Dëgjues të kënaqur:_________
