Eurogol i Muriqit, Kosova kalon në epërsi kundër Irlandës Veriore
Kosova ka kaluar në epërsi kundër Irlandës Veriore, falë një goli spektakolar të Vedat Muriqit nga 20 metra.
Sulmuesi "dardan" shtangi portierin kundërshtar me goditjen e tij.
Ky gol erdhi në minutën e 58-të, vetëm një minutë pasi gjyqtari i ndeshjes anuloi për pozitë jashtë loje një gol të Irlandës Veriore.
Përgjithësisht, Kosova nuk e ka nisur aspak mirë pjesën e dytë, por për dallim nga 45 minutat e para, me një rast të vetëm "dardanët" i ndëshkuan vendësit.
