Me afrimin e zgjedhjeve, Musk intensifikon postimet pro-Trump
Elon Musk, i cili zotëron platformë X, i nxiti amerikanët të “votojnë për një të ardhme emocionuese” me z. Trump, dhe ripostoi mesazhe nga përkrahës të fushatës së tij. Musk gjithashtu shpërndau sulme ndaj Nënpresidentes Kamala Harris, duke shkruar se ekonomia do të vuante nën “regjimin e saj kukull.”
“Forca, Amerikë!!” shkroi z. Musk, bashkë me emoji të flamurit amerikan, ndërsa ripostonte një video nga Robert F. Kennedy Jr. që i nxiste njerëzit të votonin për z. Trump.
Kohët e fundit, z. Musk e ka kthyer X në megafonin e tij politik personal, duke përdorur platformën për të mbështetur dhe bërë fushatë për z. Trump dhe duke postuar ndonjëherë më shumë se 100 herë në ditë. Deri pasditen e së hënës, z. Musk kishte shpërndarë tashmë mbi 50 postime politike në X, shkruan New York Times.
Të hënën, z. Musk njoftoi se do të organizonte një “takim publik” në X atë mbrëmje për të diskutuar mbi zgjedhjet, duke përdorur funksionin e bisedave audio të drejtpërdrejta të kompanisë.
