Ekzekutohen pagat për zyrtarët publikë

Më në fund, janë ekzekutuar pagat e muajit shtator për zyrtarët publikë.

Gazeta Nacionale ka kuptuar se ekzekutimi i pagave nga Thesari është bërë sot.

Kurse, disa zyrtarë publikë i kanë treguar gazetës, se para pak qastesh kanë marrë konfirmimin nga bankat se pagat i kanë në llogaritë e tyre.

Gazeta Nacionale sot ka raportuar Ministri i Financave, Hekuran Murati, e ka caktuar ushtruesin e ri të detyrës për pozitën e drejtorit të Thesarit.

Në këtë mënyrë është zhbllokuar edhe procesi i ekzekutimit të pagave.

Gazeta Nacionale nga burimet e saj ka mësuar se në këtë pozitë është caktuar Xhevat Zejnullahu.