Edhe AAK-ja do të bojkotojë adresimin e presidentes Osmani në Kuvend
Adresimin e presidentes Vjosa Osmani në Kuvend e Kosovës sot do ta bojkotojë edhe Aleanca për Ardhmërinë e Kosovës.
Këtë e ka bërë të ditur deputeti i kësaj partie, Pal Lekaj.
“Nuk do të marrim pjesë në adresimin e Presidentes”, ka thënë Lekaj për gazetën “Express”.
Fjalimi i shefes së shtetit do të bojkotohet edhe nga Partia Demokratike e Kosovës.
Në një prononcim për gazetën Nacionale, deputetja e PDK-së, Ariana Musliu-Shoshi ka njoftuar se deputetët e kësaj partie nuk do të marrin pjesë në seancë.
“Deputetët e PDK-së nuk do të marrin pjesë në këtë seancë.” – deklaroi ajo për Nacionalen.
